Urtero bezala, Goikobalu abesbatzaren eskutik Eusko Label produktuen dastaketa izan da herriko plazan. Arrasatearrek parrilan egindako 1000 oilasko izter eta 2000 piperrez osatutako pintxoez gozatu ahal izan dute, guztia bertako sagardo eta ardoaz lagunduta.
https://goiena.eus/arrasate/1530013796191-eusko-label-produktuen-dastaketa
Ekainaren 16an kontzertua eskaini dugu Bizente Goikoetxea gogoratuz Missa pro defunctis abestuta, Eugenio Etxebesterekin batera, organoan.
Urtero legez, Kultur Ateko areto nagusian elkartu gara ikasturteari amaiera emateko. Gure txikiek beren onena eman dute eta emanaldi zoragarria eskaini digute. Hau izan da kontzertuko programa:
Goikobalu Izartxoak eta Goikobalu Txiki: Erreka Mari, Uso Zuria, Kuku ue, Oleana eta The Sound of Music pelikulako: Do re mi, Edelweiss, So long farewell.
Goikobalu Izartxoak: Hakuna Matata.
Goikobalu Txiki: Plenty Good Room, Rock My Soul, Akai Hana.
Ikasturte zoragarria izan da, entseguz entsegu lagun artean ondo pasatzen, abestiak ikasten eta musikaz gozatzen. Ikasturtea amaitu dugu eta oporrak datoz orain, baina desiatzen gaude ikasturte berria hasteko eta beste hainbat abesti abesteko. Laster arte!
