Lehengo eta oraingo ahotsak batera Goikobalu Txikiren 25. urteurrena ospatzeko

Mende laurdena bete du aurten Goikobalu Txiki abesbatzak, eta hori ospatzeko kontzertu berezia eskaini dute Kulturateko klaustroan. Berezia, garai bateko eta egungo kideak batera aritu direlako publikoaren gozagai.

1994an sortu zenetik, asko eta asko izan dira Arrasateko Goikobalu Txiki abesbatzako kide izan diren herritarrak, eta horren adibide izan da gaur Arrasateko Kulturateko klaustroan eskaini duten kontzertua. Izan ere abesbatzak 25 urte hauetan zuzendari izan dituen Anuska Ezkurraren, Rakel Murgiondoren eta Maialen Gonzalezen gidaritzapean, egungo eta garai bateko kideak izan dira kantari.

Batzuetan adinaren arabera bananduta eta beste batzuetan denak batera, Gabon izar eder, Xalbadorren heriotzean, Imagine, Siyahamba, Do re mi eta Txoriak txori bezalako doinuak abestu dituzte. Eta entzuleen txalo zaparradek argi utzi duten moduan, garai batean ibilitakoek erakutsi dute ez dutela ikasitakoa ahaztu; eta egungoek, azkar ikasten dutela.

ARGAZKITAN

Iturria: Goiena

/por

Goikobalu Txikiren familiak 25. urteurrena ospatu du

25 urte hauetan abestutako kantuei errepasoa egin diete gaur arratsaldean, Kulturateko ekitaldi goxoan. Egungo ikasleez eta ohiez gain, Goikobaluko heldu batzuek ere ahotsa jarri dute, eta Iñaki Maidaganek esaterako txirula gozoari eragin dio.

25 urte hauetako zuzendariek lore sorta bana eta txalo beroak jaso dituzte, Anuska Ezkurra, Maider Ruiz, Rakel Murgiondo eta Maialen Gonzalez. Amaia Aboitizek ezin izan du bertan izan, baina txalo beroak jaso ditu. Ikus-entzule ugarik adi-adi jarraitu dute emanaldia, eta txalo beroak eskaini dizkiete abesbatzako lagunei. Zorionak Goikobalu Txiki!

Iturria: Mondraberri

 

 

/por

Goikobalu Txiki Abesbatzaren ibilbideari gainbegiratua Arrasate Irratian

Arrasate Irratian elkarrizketa, Goikobalu Txikiren 25. urteurrenaren harira.

https://goiena.eus/arrasate/1573817795458-goikobalu-txiki-abesbatzaren-ibilbideari-gainbegiratua-arrasate-irratian?fbclid=IwAR1xH4ZCPaiC7d2gK965NHOmlbsQKRPbgxNG0r0xLEFDk3TL8QMLPheunbs

Iturria: Arrasate Irratia

25 urte bete ditu Goikobalu Txiki Abesbatzak eta urteurrena ospatzeko kontzertua eskainiko dute bihar, zapatua, 19:00etan, Kulturateko klaustroetan. Gaur egungo zuzendari Maialen Gonzalez eta urteetan lan horretan jardun duen Rakel Murgiondorekin abesbatzaren ibilbideari eta bihar eskainiko duten kontzertuari buruz jardun dute Arrasate Irratiko gaurko Igo Autobusera! saioan.

/por

Goikobalu Txikik 25 urte egin ditu, ilusioz eta kantari

Arrasateko “Goikobalu Txiki” Abesbatza 1994. urtean sortu zen Anuska Ezkurra eta Maider Ruizen eskutik, Goikobalu Abesbatzari iraupena emango zion harrobi izateko asmoarekin. 1997ko irailetik Rakel Murgiondok eta Maider Ruizek jarraitu zuten zuzendaritza lanetan. (…) Orain arte egindako lanak poztasunez eta harrotasunez betetzen gaitu, benetan harrobi moduan sortu genuen talde “txiki” honek aurrera eramaten ditugun proiektuetan maila bikaina erakusten duelako behin eta berriz. Goikobalun abesbatzaz eta musikaz gozatzen dugu, lagun berriak egin eta lagunekin ondo pasatuz, elkarren arteko harremanetik sortuz eta elkarrengandik ikasiz, abesbatza eta kantua landuz, eta gure lana familiei eta herriari aurkeztuz.

Albiste osoa: http://mondraberri.eus/mondraberri/contenidos.item.action?id=9548577&menuId=5105073&onlypath=true 

Iturria: Mondraberri

 

/por

Berotasuna transmititu dute Aba Taano eta Goikobalu Txikik

MUNDUKIDEREN 20. URTEURRENEAN

Mundukide Fundazioak 20 urte egin ditu, eta herenegungo Kulturateko ekitaldiaren ostean, kontzertua egin zen bart Amaia Udal Antzokian.

Mundukidek antolatuta, Ugandako Aba Taano gospel doinu beroak eta alaiak eskaini zizkion publikoari. Ekitaldi berean Goikobalu Txiki aritu zen, afrikar doinuak abestuz, eta Maialen Gonzalezen zuzendaritzarekin.

Zorionak Mundukide!

 

Iturria: Mondraberri

/por
,

Ikuskizun paregabea!

Buesa Arena hunkitu egin zen larunbatean Humanity At Music ikuskizunarekin. Kukai, OSE, 450 ahots… eta 11.400 ikusletik gora. Erabateko arrakasta!

Gasteizko Buesa Arena galaz jantzi zen Humanity At Music hartzeko, eta ikuskizuna itzela izan zen: 60 urteti9k gorako esperientzia kooperatiboari musika, ahotsa, dantza eta batez ere emozioa jarri zion kultura eta kooperatiba lurrikara. Ikuskizunaren oinarria Fernando Velazquez-ek, Espainiako Estatuko zinemaren konposatzaile txalotuenetakoak, idatzitako soinu banda izan zen. Jon Sarasuak idatzitako hitzei sinfonia hunkigarria gehitu zion Velazquezek. Hori guztia uneoro Jon Maya zuzendariak gidatutako Kukai Dantza Taldearen koreografiak lagunduta. Irakur gehiago

/por

Humanity at Music – «Etorkizuna» bideoklipa

Goikobalu Abesbatzako txikiak poz-pozik ibili ziren Pirritx Porrotx eta Marimotots eta Arizmendi Ikastolako lagunekin batera Humanity At Music Sinfonia Kooperatiboaren ETORKIZUNA piezaren bideoklipa grabatzen. Ze politta geratu den! Mila esker guztioi!

/por
,

Kooperatibismoari omenaldia, Ibilaldian

Humanity at Music taldea Lekeitiora joan zen Ikastolen jaialdia ospatzera eta kooperatibismoari omenaldia egitera. Goizean goiz iritsi ginen herrira eta euria, antolaketa aldaketak, ezustekoak… asko izan baziren ere, Lekeitiok ez zuen positibismorik, indarrik, batasunik galdu. (…) Zineman, kooperatibismoari egindako omenaldian, parte hartzeko aukera izan genuen. Goikobalu, Iubilo Bilbao eta Bilbao Musikal-eko abesbatzek Sinfonia Kooperatiboaren parte bat aurkeztu zuten Bizkaiko politika eragile eta Ikastolako arduradunen aurrean eta aretoa emozioz argitu zuten. Irakur gehiago

Iturria: Humanity at Music

/por
,

“Sinfonia kooperatiboa” Arrasateko udalak antolatutako “Udaberriko XV. Musikaldian”

Maiatzaren 12an, 19:30tan, Arrasateko San Frantzisko Elizan.

“Humanity at Music- Sinfonia Kooperatiboa”-ren doinuak entzungo dira berriz ere asteburu honetan Arrasaten. Udalak udaberriari ongi etorria emateko antolatu izan duen Musikaldiaren barruan, aurtengo edizioan soinu banda kooperatiboa entzuteko aukera izango da. Emanaldia San Frantzisko elizan izango da 19:30 eta bertan izango dira Arrasate Musikaleko Orkestra, Goikobalu eta Arizmendi Ikastola Abesbatza. Irakur gehiago


Iturria: #Humanity at Music #Mondraberri

/por
,

‘Humanity at music’ ikuskizuna osorik

Sinfonia kooperatiboa oso-osorik, Arrasateko Amaia Antzokian.

https://goiena.eus/debagoiena/1551259320884-humanity-music-ikuskizuna?fbclid=IwAR0EFiiKv7Q2IZU3UjvuP0pc6fzWBqNxonuQ92n447NT0IPXfuiNZH9JIiM

ITURRIA: GOIENA. Mirari Altube

/por