, ,

Elkartasun kontzertua HARREMAN-en eskutik

Beste urte batez, inauterien bezperan HARREMAN GKE-ak antolatutako kontzertu solidarioa eskaini dugu Arrasateko San Juan Batailatzailearen parrokian. Bertan, Goikobalu osatzen dugun talde guztiok (Goikobalu Izartxoak, Goikobalu Txiki, Goikobalu) hartu dugu parte, baita AGA Arrasateko Gazte Abesbatzak ere. Mila esker HARREMAN beste urte batez gurekin kontatu izanagatik eta zorionak egiten duzuen lan bikainarengatik.

 

 

Erlazionatutako albisteak:

Parrokia elkartasunez jantziko dute egubakoitzean (Goiena).

Goikobalu ‘familiak’ elkartasun-kontzertua emango du parrokian (Mondraberri).

 

/por
, ,

Goikobalu Izartxoak, Goikobalu Txiki eta Arrasateko Gazte Abesbatza kantuan

Abenduaren 24an Txoronpio, Txoronpia eta Basajaunari ongi etorria emateko gabon kantak abestu genituen. Arratsaldean, Olentzerori harrera beroa egin genion Herriko Plazan. Eguberri On!

Iturria: Mondraberri.

/por
, ,

Humanity at Music sinfonia kooperatiboa Donostiako Kursaalen

Gizarte Ekonomiaren Europako Konferentziaren baitan, azaroaren 13an Kooperatiben Kontseiluak Donostiako Kursaal-en antolatutako Denon Artean Saria 2023 ekitaldian parte hartu dugu, ‘Humanity at Music sinfonia kooperatiboa’ abestuz. Fernando Velazquez konposatzailearen zuzendaritzapean eta Euskadiko Orkestra Sinfonikoaren kolaborazioarekin, 2019an sortutako ‘Humanity at Music’ Arrasateko esperientzia kooperatiboaren soinu banda interpretatu dugu, Arrasateko Txorbela Otxotearekin, Bilboko Iubilo Abesbatzarekin eta Arrasateko Gazte Abesbatzarekin batera.

Argazkia eta argazki galeria: Kooperatiben kontseilua.

 

 

/por
, ,

Denon Artean-erako soinu banda kooperatiboa

Fernando Velazquezek, Euskadiko Orkestraren eta 100 ahots baino gehiagok osatutako abesbatza baten laguntzarekin, «Humanity at Music»-ren partitura interpretatuko dute datorren astelehenean Kursaalen publikoari irekita izango den kontzertu batean.
/por

Goikobalu Izartxoak eta Txikik agur esan diote ikasturteari JAMEn

Goikobalu Izartxoak eta Goikobalu Txikiren ikasturte amaierako kontzertua izan genuen Juan Arzamendi Musika Etxeko areto nagusian. 4-10 urte bitarteko 20 bat neska-mutikoz osatutako bi taldeek urtean zehar landutako hainbat kantu eskaini zituzten, tartean: ‘Io sono un bambino’ abesti herrikoi italiarra, ‘Obwisana’ Ghanako folk kantua, ETS taldearen ‘Zurekin batera’ abestia, ‘Let’s eat’ musikaleko hainbat kantu edota The sound of music pelikula mitikoaren ‘Do-re-mi’ aski ezaguna.

Emanaldi honekin, Izartxoen eta Txikien ikasturtea amaitutzat ematen dugu. Irailean bueltatuko gara berriz abesti eta istorio berriekin!

Izen-ematea zabalik dugu 4 urtetik aurrerako herriko neska eta mutil guztientzat. Animatu eta etorri probatzera!

 

Informazio gehiagorako: 

E-maila: goikobalutxiki@gmail.com 

Telefonoa: 669833438.

 

Iturria: Mondraberri.

/por
,

Egoitza berria estreinatzen!

Dagoeneko egin dugu lekualdaketa eta hasi ditugu gure entseguak Juan Arzamendi Musika Etxeko (JAME) egoitza berrian. Pozak txoratzen!

/por
, ,

Ongietorri hunkigarria Juan Arzamendi Musika Etxeari

Arrasate Musikaleko musika bandak Monterronetik abiatuta Juan Arzamendi Musika Etxearaino egin duen kalejirarekin hasi da gaur arratsaldean Arrasateko hainbat kultura talderen egoitza izango den eraikinari ongietorria emateko ekitaldia.

Behin bertara heldutakoan, Juan Arzamendi zenaren familiakoei, tartean Ines Ceciaga alargunari, aurreskua dantzatu diete. Arrasateko musika eskolaren sortzaile eta lehen zuzendari izandakoaren senideak eurak izan dira, gainera, eraikinaren ateak ireki dituztenak. Bertako auditoriuma estreinatzeko, Maria Ubarretxenaren hasierako hitzaldiaren ostean, musikaz, kantuz eta dantzaz jantzitako ikuskizuna eskaini dute Arrasate Musikaleko musikariek eta dantza taldekoek eta Goikobaluko eta AGAko abeslariek. Lepo bete da aretoa, eta barruen egon  ezin izan duten herritarrek eraikinaren kanpoan jarritako pantaila baten bidez jarraitu ahal izan dute ekitaldia.

Iturria: Goiena.

/por
, ,

Arrasate Musikalek, Goikobaluk eta AGAk JAMEko giltzak jasoko dituzte

Gaur, ostirala, arratsaldeko 19:30ean, Juan Arzamendi Musika Eskolaren inaugurazio ofiziala egingo da, eta azkenik, Arrasate Musikalek, Goikobaluk eta AGAk auren etxe berriaren giltzak jasoko dituzte. Kanpoko aldean edukiera-muga dela eta, pantaila bat jarriko da, eta horren bidez jarraitu ahal izango da ekitaldia.

Eguraldiak uzten badu, ekitaldia Arrasate Musikaleko bandaren kalejira batekin hasiko da, Monterronetik musika eskola berrira. Juan Arzamendi Musika Eskolan ohorezko aurreskua dantzatuko da eta lore sorta bat emango zaio Juan Arzamendiren familiari. Ondoren, eskolako ereserkia interpretatuko da, eta barruan, hiru hari-talde, metal boskote bat eta dantza talde bat arituko dira. Azkenean, Goikobalu igoko da agertokira. Ekitaldia amaitzeko, lunch bat egingo da.

Iturria: Mondraberri.

/por
, ,

Goikobaluk kontzertu solidarioa eskaini du Harremanen alde

Goikobaluk Harremanen alde urtero ematen duen kontzertua eskaini du San Juan Bataiatzailearen parrokian. Kontzertuan Goikobalu, Goikobalu Txiki eta AGA (Arrasateko Gazte Abesbatza) taldeek hartu dute parte eta errepertorio zabala prestatu dute kontzerturako. Espero bezala, arrasatearrek parrokia bete dute. Kontzertuan jaso diren ekarpen ekonomikoak Harremanek Afrikan eta Indian abian dituen proiektuetara bideratuko dira.

Iturria: Mondraberri.

/por
, ,

Goikobalu Txiki eta Arrasateko Gazte Abesbatza Olentzeroren etorreran kantuan

Jende uholdeak jarraitu du gaur Olentzeroren etorrera Arrasaten. Herriko plazara sartu da Maala kalea zeharkatuta, eta hor pilatu da jende gehien. Gero, plazan, jendetza zegoen Olentzeroren zain. «Pandemia tarteko ezin izan naiz bi urtean plazara etorri, baina hemen nago zuen artean, benetan pozik. Gaur lan mordoa daukat, goizean ikusi dut zenbat gutun jaso dituzten, baina pozarren nago”. Irakur gehiago

Iturria: Goiena.

/por