, ,

Goikobaluk Parrokia bete du Harremanen kontzertu solidarioan

Harreman GKEk antolatuta, Goikobaluk urteroko kontzertu solidarioa eskaini du San Juan Bataiatzailearen Parrokian. Kontzertuan Goikobalu osatzen duten talde denek parte hartu dute; Goikobalu Izartxoak, Goikobalu Txikik, Arrasate Gazte Abesbatzak eta Goikobalu Abesbatzak. Errepertorio zabala eskaini dute, bete egin den Parrokiara bertaratu direnen gozamenerako. Harreman GKE eta honek aurrera eramaten dituen Mozambikeko eta Ankur-Indiako proiektuak babestu eta mota guztietako ezbeharrak pairatzen dituzten eta premia larriko egoerak bizi dituzten planetako eremuetako pertsonak ezagutaraztea eta laguntzeko helburua izan du ekitaldiak. Harremanetik ekitaldia hasi aurretik eskertu egin dute herriaren eta Goikobaluren eskuzabaltasuna.

Iturria: Mondraberri.

/por
,

Goikobalu abesbatzak herriko hainbat txoko alaitu zituen gabon gauean

Atzo arratsaldean, Goikobalu Abesbatzakoek ere haien aletxoa jarri zuten Arrasateko gabon gaua magiaz beterikoa izan zedin. Iturbide Egoitzan eta Ospitalean izan ziren kantuan. Ondoren herriko alde zaharra alaitzera ere irten ziren.

Iturria: Mondraberri.

/por
, , ,

Goikobalu eta Goikobalu Txiki abesbatzak, San Frantzisko elizan

San Frantzisko elizan elkartu ziren domekan, hilaren 15ean, Goikobalu eta Goikobalu Txiki abesbatzetako kideak, 35. eta 30. urteurrenak ospatzeko. Hemen duzue eurek eskainitako Hator, Hator abestia.

ARGAZKI GALERIA

Iturria: Goiena.

/por
, , ,

San Frantzisko txiki gelditu da Goikobalu Abesbatzaren ospakizun egunean

 

Goikobalu Abesbatzak 2024 urte honetan, urteurren bikoitza ospatzen ari da. Batetik, Goikobalu Handik 35 urte betetzen ditu, eta bestetik, honen harrobi gisa sortu zen Goikobalu Txiki abesbatzak, berriz, 30. Hori ospatzeko, gaurkoan kontzertua berezia eskaini dute San Frantzisko elizan. Lehendabizikoz ospatu dute Goikobalu Txikiren urteurrena orkestrarekin kontzertuan. Gainera, ume eta gazte garaietan Goikobalu Txiki eta Gazte taldeetan aritu izan diren hainbat partaide ohik ere bat egin dute emandaldiarekin.

Kontzertuak bi zati eduki ditu. Txiki eta gazteek eman diote hasiera kontzertuari, Goikobalu Txiki abesbatzaren ibilbidean esanguratsuak izan diren bi kantu abestuz: batetik, Hoshino kantu japoniar herrikoia; bestetik, Ez etsi, The Beatles talde entzutetsuaren Let it be abestiaren euskarazko bertsioa. Ondoren, Fernando Velázquez konposatzaile getxoztarraren GABON DUT ANUNTZIO obra eskainiko dute. Goikobalu Handik berriz, Gabriel de Olaizolaren Aurtxoa Seaskan eta Adolphe Adam-en O Holy Night, Lucía Boned bakarlariarekin batera. Ostean, Georg Friedrich Händel-en Messiah obrako pasarte batzuk eskainiko dituzte. Arrasateko Txorbela, Aramaioko Papargorri, Bergarako Orfeoi Gaztea eta Azkoitiko Iraurgi abesbatza ere lagun izan dituzte gaurko ospakizunean.

Kontzertuak ikusmin handia piztu du, izan ere, 150 pertsona inguruk hartu dute parte emanaldian. Gauzak horrela, jende ugari hurbildu da San Frantziskora eta eserlekuak agortuta, askok zutik jarraitu dute Goikobaluren ospakizuna.

 

Iturria: Mondraberri.

/por
, ,

Urteurrenak ospatzeko egingo dute kantuan

Kontzertu «berezia» antolatu dute Goikobalukoek, abesbatza nagusiaren eta txikienen abesbatzaren urteurrenak ospatzeko. Gaur egun abesbatzako kide direnak bai, baina urteetan zehar kide izan direnetako batzuk ere egongo dira ekitaldian.

Goikobalu eta Goikobalu Txiki abesbatzek 35. eta 30. urteurrenak ospatuko dituzte, hurrenez hurren, asteburuan. Horretarako, «kontzertu berezia» egingo dute bihar, 20:00etan hasita, San Frantzisko elizan. Hitzordu berezia izango da Goikobalu abesbatza osatzen duten kideentzat; izan ere, «ume eta gazte garaietan Goikobalu Txiki eta Goikobalu Gazte taldeetan aritu izan diren hainbat partaide ohi» ere egongo dira urteurreneko ekitaldian. Ospakizunera batuko direnei eskerrak eman gura izan dizkie Maialen Gonzalezek, Goikobalu Izartxoak taldeko zuzendariak: «Lan handia egin dute Goikobalu Txikin ibilitako hainbat abeslari ohik ere. Bihotzez eskerrak eman nahi dizkiegu hain berezia den egun hau gurekin partekatzeagatik».

Ekitaldi berezia

Abesbatzakoek jakinarazi dutenez, aurrenekoz ospatuko dute Goikobalu Txikiren urteurrena orkestrarekin egindako kontzertu batekin, eta hori erronka handia izango dela dio zuzendari lanetan ibiliko den eta Goikobalu Txikiko zuzendaria ere baden Txomin Maidaganek: «Ohikoa baino jende gehiago izango gara, eta denon arteko konexioa ezinbestekoa izango da. Taldeko kide batzuek iaz Donostian Euskadiko Orkestrarekin egin zen kontzertu batean parte hartu zuten, eta badaukate bizipen hori; baina kontzertu hau berezia izango da». Gonzalezentzat eta Maidaganentzat ere berezia izango da ekitaldia; izan ere, hauxe dio Gonzalezek: «Oso berezia da urteurrena gaur egungo umeekin eta bere garaian ume izan ginen batzuekin batera ospatzea». Maidaganek ere «berezitasun handiko kontzertua» izango dela dio. Aurreko urteurren ekitaldietan ere parte hartu du arrasatearrak, baina oraingoan kontzertua zuzentzeko ardura izango du, haren «aitaren pausoak jarraituz. Erronka handia» izango dela dio, baina «gogotsu» dagoela aitortzen du.

Abesbatzara batzeko deia

Gaur egun, 90 pertsona inguruk osatzen dute Goikobalu abesbatza. Hala ere, Gonzalezek eta Maidaganek diote jendea erakartzea ere badela euren helburua: «Ikusten dugu abesteko zaletasuna egon badagoela, baina, askotan, kosta egiten zaigu jende berria erakartzea. Hala ere, guk lanean jarraitzen dugu, gure jarduna herriari zabaltzeko eta parte hartzera animatzeko». Hala, herritarrei dei egin die abesbatzara batu eta egiten dutena proba dezaten.

Iturria: Goiena.

/por

‘El Mesias’ de Händel, con 259 voces «aficionadas» en el Kursaal

El concierto participativo se celebrará este jueves con la colaboración de Euskadiko Orkestra y el Orfeón Donostiarra. Bajo la dirección del director Aarón Zapico actuarán en el escenario del Auditorio del Kursaal de la mano de la Euskadiko Orkestra, junto a solistas profesionales como la soprano Jone Martínez, el contratenor Carlos Mena, el tenor Valerio Contaldo y el bajo Stephan MacLeod.

A estos se añadirán, desde sus respectivas butacas, los cantantes no profesionales, procedentes de agrupaciones corales de la comunidad: Aita Donostia Abesbatza, Coral Santa Cecilia Abesbatza, Donosti Ereski Abesbatza, Eskola-Guirutziaga Abesbatza, Goikobalu Abesbatza, Iraurgi Abesbatza y San Pedro Abesbatza.

Iturria: Noticias de Gipuzkoa.

/por
, ,

Goikobalu Abesbatzaren 35. eta Goikobalu Txiki Abesbatzaren 30. urteurren ospakizunak

2024 urte honetan, Arrasateko Goikobalu Abesbatzan urteurren bikoitza ospatzen dugu: batetik, Goikobalu Handik 35 urte betetzen ditu, eta, honen harrobi gisa sortu zen Goikobalu Txiki abesbatzak, berriz, 30. Hau ospatzeko, abenduaren 14ean kontzertu berezi bat antolatuko dugu Arrasateko San Frantzisko Elizan, arratsaldeko 20:00tan.

Hitzordu berezia izanda, kontzertu berezia antolatzea izan da gure asmoa. Lehen aldia izango da Goikobalu Txikiren urteurrena orkestrarekin izango den kontzertu batekin ospatuko duguna. Erronka handia eta polita aldi berean gure txikientzat. Baita Arrasateko Gazte Abesbatzako gazteentzat ere, hauetako asko umetan Goikobalu Txikin hasitakoak. Hauekin batera, duela bost urte 25. urteurrena ospatzeko egin genuen deialdia errepikatuz, ume eta gazte garaietan Goikobalu Txiki eta Gazte taldeetan aritu izan diren hainbat partaide ohi ere batu zaizkigu ospakizunera. Oso eskertuta eta pozik gaude agertu duten interesagatik, baita oraingo honetan parte hartzeko gogoz geratu diren beste abeslari ohiek erakutsitakoagatik ere. Goikobalu familia osatzen dugunon parte dira guzti horiek ere, duda barik.

Kontzertuak bi zati edukiko ditu. Txiki eta gazteek emango diote hasiera kontzertuari, Goikobalu Txiki abesbatzaren ibilbidean esanguratsuak izan diren bi kantu abestuz: batetik, Hoshino kantu japoniar herrikoia; bestetik, Ez etsi, The Beatles talde entzutetsuaren Let it be abestiaren euskarazko bertsioa, Goikobalu Gazteko kideek 2002. urtean Euskal Kantu Txapelketan parte hartzeko espreski asmatu zen bertsioa, Judith Delgado eta Miren Fernandez arrasatearren eta taldekide ohien hitzekin. Ostean, Fernando Velázquez konposatzaile getxoztarraren GABON DUT ANUNTZIO obra eskainiko dugu, ahots zurientzat konposatutakoa.

Ondoren, Goikobalu Handiren txanda izango da. Orkestrak lagundurik, honako kantu hauek abestuko dituzte: Gabriel de Olaizolaren Aurtxoa Seaskan eta Adolphe Adam-en O Holy Night, Lucía Boned bakarlariarekin batera. Ostean, Georg Friedrich Händel-en Messiah obrako pasarte batzuk eskainiko dituzte.

Urtebetetze berezi hauek borobiltzeko, hainbat lagun izango ditugu gurekin, hala, Arrasateko Txorbela, Aramaioko Papargorri, Bergarako Orfeoi Gaztea eta Azkoitiko Iraurgi abesbatzak batuko zaizkigu. Orkestra eta abesbatzak batuta, 150 lagun inguru elkartzea aurreikusiz.

Iturria: Mondraberri.

/por

Goikobaluk kaleetan zehar kantua zabaldu du Santa Zezilin

Abesbatza arrasatearrak zenbait abesti eskaini zituen Alde Zaharrean atzo arratsaldean, besteak beste, Portaloian. Goikobalutik gehitu dutenez aurten “Goikobalu Abesbatzak 35 eta Goikobalu Txiki Abesbatzak 30 urte betetzen ditugu, eta, hauek ospatzeko, abenduaren 14an kontzertu berezia eskainiko dugu Arrasateko San Frantzisko Elizan”.

Iturria: Mondraberri.

/por

Kalejirarekin ospatuko du Santa Zezilia Goikobalu Abesbatzak

Musikarien eguna da gaurkoa, eta eguna ospatzeko, Goikobalu Abesbatzako helduen taldea Arrasateko alde zaharrean barrena ibiliko da kalejiran 20:00etatik aurrera.

Gainera, aurten Goikobalu Abesbatzak 35 urte betetzen ditu, eta Goikobalu Txiki Abesbatzak, berriz, 30. Horregatik, bi urteurrenak ospatzeko, abenduaren 14an San Frantzisko Elizan kontzertu berezia egingo dutela aurreratu dute.

Iturria: Goiena.

/por
,

Arrasateko Gazte Abesbatza Sant Cugat del Vallesen izan da

Uztailean Arrasaten jasotako bisita bueltatu diete Coral Juvenil de Escola Municipal de Musica eta Cor Jove Fusio abesbatzei. Egubakoitz arratsaldean heldu ziren Kataluniara eta zapatuan eman zuten kontzertu partekatua bertako musika eskolako areto nagusian.

Arrasateko Gazte Abesbatzako gazteak Sant Cugat del Vallesen izan dira, uztaileko bisita bueltatuz eta trukea borobilduz. Zapatuko kontzertuaren ostean, hiria ezagutu zuten eta Port Aventurara joan ziren egun pasa.

Truke «aparta» izan dela azaldu dute taldeko kideek. «Gazte taldeak primeran moldatu dira elkarrekin, abesti eta leku berriak ezagutuz eta esperientziak partekatuz. Datorren urtera begira, errepikatzeko desiratzen daude. Primerako egunak igaro eta gero, orain ikasturte berriak dakartzan hitzordu eta kontzertu berriak prestatzen hasiko gara», diote AGAko kideek.

Iturria: Goiena.

/por