, ,

Humanity at Music sinfonia kooperatiboa Donostiako Kursaalen

Gizarte Ekonomiaren Europako Konferentziaren baitan, azaroaren 13an Kooperatiben Kontseiluak Donostiako Kursaal-en antolatutako Denon Artean Saria 2023 ekitaldian parte hartu dugu, ‘Humanity at Music sinfonia kooperatiboa’ abestuz. Fernando Velazquez konposatzailearen zuzendaritzapean eta Euskadiko Orkestra Sinfonikoaren kolaborazioarekin, 2019an sortutako ‘Humanity at Music’ Arrasateko esperientzia kooperatiboaren soinu banda interpretatu dugu, Arrasateko Txorbela Otxotearekin, Bilboko Iubilo Abesbatzarekin eta Arrasateko Gazte Abesbatzarekin batera.

Argazkia eta argazki galeria: Kooperatiben kontseilua.

 

 

/por
, ,

Denon Artean-erako soinu banda kooperatiboa

Fernando Velazquezek, Euskadiko Orkestraren eta 100 ahots baino gehiagok osatutako abesbatza baten laguntzarekin, «Humanity at Music»-ren partitura interpretatuko dute datorren astelehenean Kursaalen publikoari irekita izango den kontzertu batean.
/por
,

Goikobalu eta AGAk ‘Salve solstitium’ kontzertua eman dute San Frantziskon

Goikobalu eta AGA abesbatzek ‘Salve solstitium’ kontzertua eskaini dute San Frantzisko elizan.Kontzertu honetan, Goikobalurekin batera, Txorbelak, Parrokiako koruak eta beste bidelagun batzuek ere ahotsa jarri dute. Kontzerturako osatu den orkestrak ere parte hartu du.

Eskaini diren obren artean, Hilarion Eslavaren ‘Salvea’ izango da. Salve hau, San Joan bezperan, Parrokiako koruak abesten duen obra da, baina oraingoan orkestrarako idatzitako bertsioa eskaini da. Zuzendari lanetan, Iñaki eta Txomin Maidagan aita-semeak aritu dira.

Iturria: Mondraberri.

 

/por

Goikobaluk kontzertua eskaini du Telleri abesbatzarekin

Goikobalu eta Telleri abesbetzek kontzertua eskaini dute gaur arratsaldean San Frantzisko elizan. Oraingoan Errenteriako abesbatzak bisitatu du Arrasate, eta azaroan Arrasatekoa itzuliko dio bisita.

Kontzertua Goikobaluk ireki du. Sei abesti abestu ditu: Japoniarra ‘Oi Ama Euskal Herria’, ‘O Sacrum Convivium’, ‘Cantique’, ‘Mendi Goietan’, ‘Segalariak’ eta ‘Mutil Txaleko Gorria’. Beti bezala Iñaki Maidaganek zuzendu du abesbatza eta Rakel Murgiondok pianoan lagundu du ‘Cantique’ abestiaren kasuan.

Ondoren, Renteriako Telleri abesbatzaren txanda heldu da. Carlos Rodriguezen zuzendaritzapean, sei abesti abestu dituzte: ‘Illunabarra’, ‘Canción Mixteca’, ‘Ama Euskal Herria’, ‘O voso Galo Comadre’, ‘Viento del Norte’ eta ‘Malaika. Bukatzeko, bi abesbatzek batera ‘Goizian argi hastian’ abestu dute.

Iturria: Mondraberri.

/por

Goikobaluk kontzertua eskainiko du Telleri abesbatzarekin

Goikobalu eta Telleri abesbetzek kontzertua eskainiko dute larunbatean, arratsaldeko 19:30ean San Frantzisko elizan. Oraingoan Errenteriako abesbatzak bisitatuko du Arrasate, eta azaroan Arrasatekoa itzuliko dio bisita.

Iturria: Mondraberri.

/por

Bergarako Orfeoiak eman dio hasiera mendeurreneko ospakizunari

Maiatzaren 20an, zapatuan egin zuten Mozart-en Requiem obraren interpretazioarekin eman diote hasiera Bergarako Orfeoiaren mendeurreneko ospakizunari. 200 musikari baino gehiago bildu ziren San Pedro elizako eszenatoki gainean: Arrasateko Goikobalu abesbatza, EHUko abesbatza, Aequus Ensemble taldea eta Bergarako Orfeoiko kideak izan ziren eguneko protagonistak.

Iturria: Goiena.

/por
,

Egoitza berria estreinatzen!

Dagoeneko egin dugu lekualdaketa eta hasi ditugu gure entseguak Juan Arzamendi Musika Etxeko (JAME) egoitza berrian. Pozak txoratzen!

/por
, ,

Ongietorri hunkigarria Juan Arzamendi Musika Etxeari

Arrasate Musikaleko musika bandak Monterronetik abiatuta Juan Arzamendi Musika Etxearaino egin duen kalejirarekin hasi da gaur arratsaldean Arrasateko hainbat kultura talderen egoitza izango den eraikinari ongietorria emateko ekitaldia.

Behin bertara heldutakoan, Juan Arzamendi zenaren familiakoei, tartean Ines Ceciaga alargunari, aurreskua dantzatu diete. Arrasateko musika eskolaren sortzaile eta lehen zuzendari izandakoaren senideak eurak izan dira, gainera, eraikinaren ateak ireki dituztenak. Bertako auditoriuma estreinatzeko, Maria Ubarretxenaren hasierako hitzaldiaren ostean, musikaz, kantuz eta dantzaz jantzitako ikuskizuna eskaini dute Arrasate Musikaleko musikariek eta dantza taldekoek eta Goikobaluko eta AGAko abeslariek. Lepo bete da aretoa, eta barruen egon  ezin izan duten herritarrek eraikinaren kanpoan jarritako pantaila baten bidez jarraitu ahal izan dute ekitaldia.

Iturria: Goiena.

/por
, ,

Arrasate Musikalek, Goikobaluk eta AGAk JAMEko giltzak jasoko dituzte

Gaur, ostirala, arratsaldeko 19:30ean, Juan Arzamendi Musika Eskolaren inaugurazio ofiziala egingo da, eta azkenik, Arrasate Musikalek, Goikobaluk eta AGAk auren etxe berriaren giltzak jasoko dituzte. Kanpoko aldean edukiera-muga dela eta, pantaila bat jarriko da, eta horren bidez jarraitu ahal izango da ekitaldia.

Eguraldiak uzten badu, ekitaldia Arrasate Musikaleko bandaren kalejira batekin hasiko da, Monterronetik musika eskola berrira. Juan Arzamendi Musika Eskolan ohorezko aurreskua dantzatuko da eta lore sorta bat emango zaio Juan Arzamendiren familiari. Ondoren, eskolako ereserkia interpretatuko da, eta barruan, hiru hari-talde, metal boskote bat eta dantza talde bat arituko dira. Azkenean, Goikobalu igoko da agertokira. Ekitaldia amaitzeko, lunch bat egingo da.

Iturria: Mondraberri.

/por

Eszenatokia eta harmailak beteta, Arrasate Musikalen 50. urteurreneko kontzertuan

50. urteurrena ospatzeko 300 musikari eta abeslari batu ditu Uarkapen Arrasate Musikalek. Musika eskolako bandak eta orkestrak emango zioten hasiera ekitaldiari eta ondoren, Tailer Musikaleko eta Musika Hizkuntzako ikasleak, Goikobalu Abesbatza, Txorbela Otxotea, Izaskun Murgia elkarte lirikoa, Arrasateko parrokia-koruarekin eta Bergarako Orfeoia ere irten ziren oholtzara, Edu Arzamendik gidatuta. Hain zuzen, Juan Arzamendiren Mari Errauskin obrako zati bat duzue hemen entzungai.
/por